Ang mga labi ng Filipino-American na si Airman 1st Class Cedric Eneluna ay inaasahang iuuwi sa Bacolod City, Pilipinas, matapos siyang masawi sa isang aksidente sa Vandenberg Space Force Base sa California.
Kinumpirma ng kanyang ama, si Mel Eneluna, na kasalukuyan nang isinasagawa ang mga hakbang para sa repatriation ng kanyang 23-taong-gulang na anak.
I believe the Vandenberg repatriation team will bring him back here to Bacolod City, Philippines.
Mel Eneluna, Ama ni Cedric
Si Cedric ay nasawi matapos ang isang insidente kung saan ang heavy equipment na kanyang ino-operate ay bumagsak mula sa isang embankment.
Kasalukuyan namang nasa California ang kanyang ina upang samahan ang mga labi ni Cedric sa kanyang pagbalik sa Pilipinas.
Wala pang opisyal na ulat mula sa US Air Force kaugnay ng resulta ng imbestigasyon sa aksidente.
Isang Buhay na Naiwan sa Pagsisilbi
Si Cedric ay tubong-Bacolod City at sumali sa US Air Force noong Marso 5, 2024. Dumating siya sa Vandenberg para sa kanyang unang assignment noong Agosto 2, 2024.
Ayon sa pamunuan ng base, si Cedric ay naglingkod nang may propesyonalismo at dedikasyon.
During his assignment at Vandenberg, he earned the respect and admiration of those around him through his positive attitude, tireless work ethic, and willingness to help others.
US Space Force
Si Colonel James T. Horne III, commander ng Space Launch Delta 30, ay nagbigay ng pakikiramay sa pamilya ni Cedric.
Our Vandenberg family is grieving alongside Cedric's loved ones and his teammates.
Colonel James T. Horne III
Ang pagpanaw ni Cedric ay nagdulot ng kalungkutan hindi lamang sa kanyang pamilya kundi pati na rin sa kanyang mga kasama sa serbisyo.